இரத்மலானை புகையிரத நிலையத்தில் இன்று (23) காலை இடம்பெற்ற துப்பாக்கிச் சூட்டில் ஒருவர் காயமடைந்துள்ளார்.
புகையிரத நிலைய வளாகத்தில் கொள்ளையிடும் நோக்கில் பிரவேசித்த ஐவர், அங்கு பாதுகாப்பு கடமையில் ஈடுபட்டிருந்த புகையிரத பாதுகாப்பு உத்தியோகத்தர் ஒருவரை தாக்கி காயப்படுத்தியுள்ளனர்.
இதனையடுத்து, புகையிரத பாதுகாப்பு அதிகாரி, சந்தேக நபர்களை நோக்கி துப்பாக்கியால் சுட்டார்.
துப்பாக்கிச் சூட்டில் சந்தேகநபர்களில் ஒருவர் காயமடைந்துள்ளதாகவும் ஏனைய சந்தேகநபர்கள் தப்பிச் சென்றுள்ளதாகவும் பொலிஸார் தெரிவிக்கின்றனர்.
சந்தேகநபர்களின் தாக்குதலால் காயமடைந்த புகையிரத பாதுகாப்பு உத்தியோகத்தர் மற்றும் துப்பாக்கிச் சூட்டுக்கு இலக்கான சந்தேகநபர் களுபோவில வைத்தியசாலையில் அனுமதிக்கப்பட்டுள்ளனர்.
சம்பவம் தொடர்பான மேலதிக விசாரணைகளை மலையக பொலிஸார் மேற்கொண்டு வருகின்றனர்.
