கடந்த 2002-ஆம் ஆண்டு இயக்குநர் அற்புதன் இயக்கத்தில் வெளியான திரைப்படம் ‘அற்புதம்’. இந்த படத்தின் மூலம் ராகவா லாரன்ஸ் கதாநாயகனாக அறிமுகமானார்.
இந்த படம் ராகவா லாரன்ஸுக்கு நல்ல வரவேற்பை பெற்று தந்தது. மேலும், இந்த படத்தில் குணால், அனு பிரபாகர் ஆகியோர் முக்கிய கதாபாத்திரத்தில் நடித்திருந்தனர்.
இதுமட்டுமல்லாமல், ஷாம் நடிப்பில் வெளியான ‘மனதோடு மழைக்காலம்’, தெலுங்கில் உதைக்கிரண் நடித்த ‘செப்பவே சிறுகாளி’ ஆகிய திரைப்படங்களையும் இவர் இயக்கியுள்ளார்.
52 வயதான இயக்குநர் அற்புதன் விபத்து ஏற்பட்டு தனியார் மருத்துவமனையில் சிகிச்சை பெற்றுவந்த நிலையில் நேற்று மாலை 4 மணியளவில் காலமானார். இவரது மறைவு திரைத்துறையில் சோகத்தை ஏற்படுத்தியுள்ளது.
