10ஆவது ஜூனியர் பெண்கள் உலகக் கோப்பை ஹொக்கி போட்டி (21 வயதுக்குட்பட்டோர்) சிலி தலைநகர் சான்டியாகோவில் இன்று தொடங்குகிறது.
டிசம்பர் 10ஆம் திகதி வரை நடைபெறும் இந்த போட்டியில் நடப்பு சம்பியன் நெதர்லாந்து, முன்னாள் சம்பியன்கள் தென்கொரியா, ஜெர்மனி, கடந்த முறை 4ஆவது இடம்பெற்ற இந்தியா, அவுஸ்திரேலியா, இங்கிலாந்து, ஆர்ஜென்டினா உள்பட 16 அணிகள் பங்கேற்கின்றன.
தொடக்க நாளான இன்று நடைபெறும் தனது முதலாவது லீக் ஆட்டத்தில் இந்திய அணி, கனடாவுடன் மோதுகிறது. அதிகபட்சமாக 2013ஆம் ஆண்டு 3ஆவது இடத்தை பிடித்த இந்திய அணி முதல்முறையாக கோப்பையை வெல்லும் நோக்குடன் பிரீத்தி தலைமையில் களம் இறங்குகிறது. இந்த ஆண்டு தொடக்கத்தில் நடந்த ஆசிய ஜூனியர் கோப்பையை வென்று இருக்கும் இந்திய அணி, கனடாவுக்கு எதிரான முந்தைய 3 ஆட்டங்களிலும் வெற்றி பெற்று இருப்பதால் இந்த ஆட்டத்திலும் ஆதிக்கம் செலுத்தும் என்று எதிர்பார்க்கப்படுகிறது.
