பச்சை குத்துவோரின் கவனத்திற்கு – பதிவு செய்யப்படாத நிறுவனங்களால் சமூக நோய்கள் பரவும் அபாயம்!

_{(அமிர்தப்பிரியா சிவலிங்கம்)}

பச்சை குத்தும் நிறுவனங்களை ஒழுங்குபடுத்துவதில் அரசாங்கம் கவனம் செலுத்தாதமையால், பல நிறுவனங்கள் உரிய பாதுகாப்பு நடவடிக்கைகளை பின்பற்றாததன்; காரணமாக, எயிட்ஸ் உள்ளிட்ட சமூக நோய்கள் மற்றும் பல்வேறு நோய்கள் பரவும் அபாயம் இருப்பதாக இலங்கை பச்சை குத்தும் சங்கம் தெரிவித்துள்ளது.

இலங்கையில் சுமார் 5000 பச்சை குத்தும் நிறுவனங்கள் உள்ளன. அவற்றில் 140 நிறுவனங்கள் மட்டுமே; பதிவு செய்யப்பட்டுள்ளதாக இலங்கை பச்சை குத்தும் சங்கம் தெரிவித்துள்ளது.

அனைத்து பச்சை குத்தும் நிறுவனங்களுக்கும் அறுவை சிகிச்சை அறையின் வசதிகள் வழங்கப்பட வேண்டும் என்றும் பச்சை குத்துவதற்குப் பயன்படுத்தப்படும் பணியிடத்தை கிருமி நீக்கம் செய்து கருவிகளை கிருமி நீக்கம் செய்ய வேண்டும் என்றும் சங்கம் சுட்டிக்காட்டுகிறது.

பச்சை குத்துவதற்கு பயன்படுத்தப்படும் ஊசிகளை ஒரு முறை மட்டுமே பயன்படுத்த வேண்டும் என்றும், சில நிறுவனங்கள் அவற்றை பலமுறை பயன்படுத்துவதாகவும் அவர்கள் கூறுகிறார்கள். இதன் காரணமாக சமூக நோய்கள் உள்ளிட்ட பல்வேறு நோய்கள் பரவும் அபாயம் காணப்படுவதாக அவர்கள் சுட்டிக்காட்டுகின்றனர்.

இவ்வாறு பயன்படுத்தப்படும் ஊசிகளின் வகைகளை அழிக்கும் முறை இல்லை எனவும், அவற்றை முறையாக அப்புறப்படுத்தாவிட்டாலும் அவை மக்களுக்கு பாதிப்பை ஏற்படுத்தும் எனவும் சங்கம் சுட்டிக்காட்டியுள்ளது.

பச்சை குத்தும் நிறுவனமொன்றை நடத்துவதற்கான வர்த்தகப் பதிவுச் சான்றிதழைக் கூட பெற்றுக்கொள்ளும் வசதி இந்த நாட்டில் இல்லை என சங்கத்தின் ஸ்தாபகர் சஜித் டி சில்வா கவலை வெளியிட்டுள்ளார்.