மட்டக்களப்பு பிரதேசத்தில் மது போதையில் புகையிரத பாதையில் சென்று கொண்டிருந்த போது புகையிரதத்தினால் மோதப்பட்டு இளைஞர் ஒருவர் உயிரிழந்துள்ளதாக மட்டக்களப்பு பொலிஸார் தெரிவித்துள்ளனர்.
நேற்று (23) மாலை இடம்பெற்றதாக மட்டக்களப்பு பொலிஸ் அதிகாரி குறிப்பிட்டுள்ளார்.
மேலும் தெரிவிக்கையில்,உயிரிழந்தவர் மட்டக்களப்பு , குமாரபுரம் பிரதேசத்தை சேர்ந்த 23 வயதுடைய இளைஞர், மட்டக்களப்பு இருந்து கொழும்பு கோட்டை நோக்கி பயணித்த புகையிரதத்தில் மோதப்பட்டு உயிரிழந்துள்ளதாக சுட்டிக்காட்டியுள்ளனர்.
உயிரிழந்தவரின் சடலம் மட்டக்களப்பு வைத்தியசாலையில் வைக்கப்பட்டுள்ளதுடன் இந்த சம்பவம் தொடர்பான மேலதிக விசாரணைகளை மட்டக்களப்பு பொலிஸார் மேற்கொண்டு வருகின்றனர்.
