2024 ஜனவரியில் சுற்றுலாத்துறையின் மூலமான இலங்கையின் வருமானம் 342 மில்லியன் அமெரிக்க டொலர்களாக பதிவாகியுள்ளதாக மத்திய வங்கியின் வெளித்துறை செயற்பாடுகள் பற்றிய சமீபத்திய அறிக்கை வெளிப்படுத்தியுள்ளது.
2020 ஜனவரி மாதத்துக்கு பின்னர் நாடு கண்ட அதிகபட்ச மாதாந்திர வருமானம் இதுவாகும்.
வியாழன் (29) வெளியிடப்பட்ட அறிக்கையின்படி,
2023 டிசம்பரில் 269 மில்லியன் அமெரிக்க டொலர்கள் மற்றும் 2023 ஜனவரியில் 154 மில்லியன் அமெரிக்க டொலர்களுடன் ஒப்பிடுகையில், 2024 ஜனவரியில் இலங்கையின் சுற்றுலா வருவாய் கணிசமான முன்னேற்றத்தைக் குறிக்கிறது.
இந்த ஆண்டு ஜனவரியில் நாடு 208,253 சுற்றுலாப் பயணிகளை ஈர்த்துள்ளது, அதே 2023 ஜனவரி மாதத்தில் 102,545 சுற்றுலாப் பயணிகளை ஈர்த்துள்ளது.
