யக்கல – கம்பஹா வீதியில் யக்கல பகுதியில் நேற்று (01) கம்பஹாவிலிருந்து யக்கல நோக்கிப் பயணித்த வேன் ஒன்று பெண்ணொருவரை மோதியதில் குறித்த பெண் உயிரிழந்துள்ளதாக பொலிஸார் தெரிவித்துள்ளனர்.
குறித்த விபத்தில் படுகாயமடைந்த பெண் கம்பஹா வைத்தியசாலையில் அனுமதிக்கப்பட்ட பின்னர் சிகிச்சைப் பலனின்றி உயிரிழந்துள்ளதாகவும் யக்கல பகுதியைச் சேர்ந்த 48 வயதுடைய பெண்னே இவ்வாறு உயிரிழந்துள்ளதாகவும் பொலிஸார் தெரிவித்துள்ளனர்.
குறித்த வேனின் சாரதி வண்டியை அந்த இடத்திலேயே விட்டுவிட்டு தப்பிச் சென்றுள்ளதாகப் பொலிஸார் தெரிவித்துள்ளனர்.
இந்நிலையில், சந்தேக நபரை கைதுசெய்வதற்கான மேலதிக விசாரணைகளை யக்கல பொலிஸார் முன்னெடுத்து வருகின்றனர்.
