210 மில்லியன் ரூபா பெறுமதியான போதைப்பொருட்களுடன் ஹரக் கட்டாவின் உதவியாளர்கள் இருவர் பொலிஸ் விசேட அதிரடிப்படையினரால் கைது செய்யப்பட்டுள்ளனர்.
கைது செய்யப்பட்ட இருவரும் நந்துன் சிந்தக விக்கிரமரத்ன என்ற ஹரக் கட்டா மற்றும் அவரது போதைப்பொருள் வியாபாரத்தை பராமரித்து வந்த பாதாள உலக உறுப்பினரான ஆர்மி சூட்டியின் உதவியாளர்கள் என்பது தெரியவந்துள்ளது.
இதேவேளை. கைதுசெய்யப்பட்ட சந்தேகநபர்களிடம் இருந்து 6 கிலோ 910 கிராம் ஹெரோயின் மற்றும் ஒரு கிலோ 17 கிராம் ஐஸ் போதைப்பொருளும் கைப்பற்றப்பட்டுள்ளதாக பொலிஸ் விசேட அதிரடிப்படை மேலும் தெரிவித்துள்ளது.
