IPL 2024 ஆம் ஆண்டு சீசன் இன்று சென்னை – சேப்பாக்கம் மைதானத்தில் தொடங்குகிறது.
இது கிரிக்கெட் இரசிகர்களுக்கு இரண்டு மாதம் நல்ல விருந்தாக தொடர் அமையும் என்பதில் சந்தேகம் இல்லை.
தோனிக்கு இது கடைசி தொடராக இருக்கும் என்பதால் அவர் ஆறாவது முறையாக கோப்பையை வெல்வாரா என்பதுதான் ரசிகர்களின் எதிர்பார்ப்பாக இருக்கிறது.
அது மட்டுமல்லாமல் பெங்களூர் அணி வீராங்கனைகள் மகளிர் பிரீமியர் லீக் தொடரை வென்று விட்டதால் இம்முறை விராட் கோலி RCB அணிக்காக IPL தொடரை வென்றே ஆக வேண்டும் என்ற ஒரு அழுத்தமும் ஏற்பட்டிருக்கிறது.
மற்றொரு பக்கம் மும்பை அணி மூன்று ஆண்டுகளாக IPL கோப்பையை வெல்லாத நிலையில் புதிய தலைமையின் கீழ் அந்த அணி ஆறாவது கோப்பைக்காக கடுமையாக போராடும். இது ஒரு பக்கம் இருக்க, கௌதம் கம்பீர் தற்போது மீண்டும் கேகேஆர் அணிக்கு மென்டராக திரும்பி இருக்கிறார்.
