இந்தியாவுக்கு சுற்றுப் பயணம் செய்து 5 போட்டிகள் கொண்ட டெஸ்ட் தொடரில் விளையாடிவரும் இங்கிலாந்து அணி 1-0 என முன்னிலை வகிக்கிறது. 2ஆவது டெஸ்டில் இந்திய அணி 77 ஓவர் முடிவில் 268/4 ஓட்டங்கள் எடுத்துள்ளது.
குறித்த தொடரின் முதல் போட்டியில் பங்கேற்காத இங்கிலாந்து வேகப் பந்து வீச்சாளர் ஜேம்ஸ் ஆண்டர்சன் இப்போட்டியில் பங்கேற்று ஷுப்மன் கில்லின் விக்கெட்டினை எடுத்து அசத்தியுள்ளார். இதற்கு முன்பாகவும் கில்லின் விக்கெட்டினை 5 முறை பெற்றுள்ளமை குறிப்பிடத்தக்கது.
இந்நிலையில் இந்தியாவில் டெஸ்ட் கிரிக்கெட்டில் விளையாடிய மிகவும் வயதான வேகப்பந்து வீச்சாளர் (41 வருடம் 187 நாட்கள்) என்ற உலக சாதனையை ஆண்டர்சன் படைத்துள்ளார் . இதற்கு முன்பாக இந்தியாவை சேர்ந்த லால அமர்நாத் (41 வருடங்கள் 92 நாள்கள்) இருந்தது குறிப்பிடத்தக்கது.
