2028 லொஸ் ஏஞ்சல்ஸ் ஒலிம்பிக்கில் T20 கிரிக்கெட்டை சேர்க்க ஒப்புதல் வழங்கப்பட்டுள்ளதாக சர்வதேச ஒலிம்பிக் ஒருங்கிணைப்பு குழுவின் தலைவர் தோமஸ் பாக் இன்று மும்பையில் நடந்த நிர்வாகக் குழு கூட்டத்தில் அறிவித்தார்.
இந்நிலையில், கிரிக்கெட், ஸ்குவாஷ் உட்பட 5 போட்டிகளை சேர்ப்பதாக ஒலிம்பிக் ஒருங்கிணைப்பு குழு அறிவித்துள்ளது.
1900ம் ஆண்டு பாரிஸில் நடைபெற்ற ஒலிம்பிக்கில் கடைசியாக கிரிக்கெட் விளையாடப்பட்டது. 128 ஆண்டுகள் கழித்து ஒலிம்பிக்கில் டி20 கிரிக்கெட் விளையாடப்படவுள்ளதாக தெரிவிக்கப்பட்டுள்ளது.
அத்தோடு பேஸ்போல், ஃபிளாக் கால்பந்து, ஸ்குவாஷ், லாக்ரோஸ் ஆகிய விளையாட்டுகளும் சேர்க்கப்பட்டுள்ளதாக ஒலிம்பிக் ஒருங்கிணைப்பு குழு மேலும் தெரிவித்துள்ளது.
