இந்துக்களின் பண்டிகையான தீபாவளி நாளை மறுதினம் கொண்டாடப்படவுள்ள நிலையில் அமெரிக்க வெள்ளை மாளிகையில் இன்று தீபாவளி கொண்டாட்டம் நடைபெற்றுள்ளது.
அமெரிக்காவின் வெள்ளை மாளிகையில் இன்று தீபாவளி கொண்டாட்டம் நடைபெற்ற நிலையில் இந்த நிகழ்ச்சியில் அமெரிக்க ஜனாதிபதி ஜோ பைடன் பங்கேற்றார்.
இந்த கொண்டாட்ட நிகழ்ச்சியில் அமெரிக்காவாழ் இந்தியர்கள், எம்.பி.க்கள், அரசு அதிகாரிகள் உள்பட பல்வேறு தரப்பினர் பங்கேற்றனர்.
இதேவேளை, சர்வதேச விண்வெளி மையத்தில் இருந்து சுனிதா வில்லியம்சும் தீபாவளிக்கு வாழ்த்து தெரிவித்த காணொளியும் வெள்ளை மாளிகையில் ஒளிபரப்பப்பட்டது.
