கடல் தொழில் பாதிப்பால் சந்தையில் மீன்களுக்குத் தட்டுப்பாடு!

_{(அமிர்தப்பிரியா சிவலிங்கம்)}

வங்காள விரிகுடா மற்றும் அரபிக்கடலை தாழமுக்கம் காரணமாக கடல் சீற்றத்தினால் மீன்களை பிடிக்க முடியாத நிலை ஏற்பட்டுள்ளதாக பேலியகொட மத்திய மீன் சந்தையின் செயலாளர் என்.ஜெயந்த குரே தெரிவித்துள்ளார்.

பேலியகொடை மீன் சந்தைக்கு வழக்கமாக நாளொன்றுக்கு சுமார் 400 டொன் மீன்கள் வந்தாலும், இந்த நாட்களில் 100 டொன்களுக்கும் குறைவான மீன்களே கிடைக்கின்றன எனவும், இதனால் மீன்களுக்கு தட்டுப்பாடு ஏற்பட்டுள்ளதாகவும் அவர் சுட்டிக்காட்டியுள்ளார்.

பேலியகொடை மீன் சந்தையில் பேலியகொடையில் இருந்து மீன்களை எடுத்துச் செல்லும் 50 சதவீதத்திற்கும் அதிகமான சிறிய மீன் கடைகள் பல வாரங்களாக மூடப்பட்டுள்ளதாகவும் அவர் குறிப்பிட்டார்.