இலங்கை மெய்வல்லுநர் சங்கத்தினால் ஏற்பாடு செய்யப்பட்டுள்ள 101வது தேசிய மெய்வல்லுநர் சம்பியன்ஷிப் தொடரில் இந்தியாவிலிருந்து 2 அஞ்சலோட்ட அணிகளுடன் 28 பேர் கொண்ட அணியொன்று பங்குபற்றவுள்ளதாக இலங்கை மெய்வல்லுநர் சங்கத்தின் தலைவர் மேஜர் ஜெனரல் பாலித பெர்னாண்டோ தெரிவித்தார்.
101வது தேசிய மெய்வல்லுநர் சம்பியன்ஷிப் தொடர் எதிர்வரும் ஜுலை 28, 29 மற்றும் 30 ஆகிய திகதிகளில் கொழும்பு சுகததாச விளையாட்டரங்கில் நடைபெறவுள்ளது. இம்முறை போட்டித் தொடரில் வடக்கு, கிழக்கு உட்பட நாடளாவிய ரீதியிலிருந்து 750 இற்கும் மேற்பட்ட வீர, வீராங்கனைகள் பங்குபற்றவுள்ளனர்.
அதேபோல, இந்தியா மற்றும் மாலைதீவுகள் ஆகிய நாடுகளில் இருந்து 2 அணிகள் இம்முறை தேசிய மெய்வல்லுநர் சம்பியன்ஷிப் தொடரில் பங்குபற்றவுள்ளமைக் குறிப்பிடத்தக்கது.
