(அமிர்தப்பிரியா சிவலிங்கம்)
இலங்கை கடற்பரப்பில் எக்ஸ்பிரஸ் பேர்ல் கப்பல் தீப்பிடித்தமையால் ஏற்பட்ட சுற்றுச்சூழல் பாதிப்புக்கு இழப்பீடு கோரி சிங்கப்பூர் நீதிமன்றத்தில் இலங்கை தாக்கல் செய்த வழக்கு இன்று (15) மீண்டும் விசாரணைக்கு எடுத்துக்கொள்ளப்பட உள்ளது.
இலங்கை சார்பில் சிங்கப்பூரில் உள்ள வழக்கறிஞர்கள் சங்கம் இந்த வழக்கில் முன்னிலையாக உள்ளது.
கடந்த 9ஆம் திகதி இது தொடர்பான வழக்கு சிங்கப்பூர் நீதிமன்றத்தில் முதன்முறையாக விசாரணைக்கு வந்தது.
கடந்த 26ஆம் திகதி எக்ஸ்பிரஸ் பேர்ல் கப்பல் விபத்தால் ஏற்பட்ட சுற்றுச்சூழல் பாதிப்புக்கு இழப்பீடு கோரி சிங்கப்பூர் நீதிமன்றத்தில் வழக்கறிஞர்கள் சங்கம் வழக்கு தொடர்ந்தது.
இதேவேளை, இலங்கை கடற்பரப்பில் தீப்பிடித்த எக்ஸ்பிரஸ் பேர்ல் கப்பலினால் ஏற்பட்ட சேதங்களை மீள் கணக்கீடு செய்ய நடவடிக்கை எடுக்கப்பட்டுள்ளதாக கடல்சார் சுற்றாடல் பாதுகாப்பு அதிகாரசபை தெரிவித்துள்ளது.
வழக்கறிஞர்கள் சங்க திணைக்களத்தின் பணிப்புரைக்கு அமைய அறிக்கை தயாரிக்கும் பணிகள் ஆரம்பிக்கப்பட்டுள்ளதாக அதன் தலைவர் சட்டத்தரணி அசேல ரகேவா தெரிவித்துள்ளார்.
