கார்த்திகைத் தீபத்திருவிழாவையொட்டி திருவண்ணாமலையில் உள்ள பாடசாலைகளுக்கு 9 நாட்கள் விடுமுறை வழங்கப்பட்டுள்ளது.
கார்த்திகை தீப திருவிழாவின் முக்கிய நிகழ்வான திருவண்ணாமலை அண்ணாமலையார் கோவிலில் மகா தீபம் ஏற்றும் நிகழ்வு உலக அளவில் பிரபலம் வாய்ந்த நிகழ்வாகும் என்பது குறிப்பிடத்தக்கது.
அந்தவகையில் இந்த ஆண்டு மகா தீபத் திருவிழா எதிர்வரும் 13ம் திகதி நடைபெற உள்ள நிலையில், அன்று மாலை 6 மணியளவில் திருவண்ணாமலை அண்ணாமலையார் கோவிலில் 2668 அடி உயர மலை உச்சியில் மகா தீபம் ஏற்றப்படும்.
இந்தநிலையில், அண்ணாமலையார் கோவில் தீபத்திருவிழாவையொட்டி இன்று 8ம் முதல் எதிர்வரும் 16ம் திகதி வரை 9 நாட்கள் திருவண்ணாமலை மாவட்டத்தில் உள்ள அரசு மற்றும் தனியார் பள்ளிகளுக்கு விடுமுறை அறிவிக்கப்பட்டுள்ளது.
அத்தோடு இந்த 9 நாட்கள் விடுமுறை அறிவிப்பை திருவண்ணாமலை மாவட்ட முதன்மை கல்வி அலுவலர் வெளியிட்டுள்ளதாக தெரிவிக்கப்படுகிறது
