பிரபல நடிகர் டெல்லி கணேஷ் உடல்நலக்குறைவு காரணமாக காலமாகியுள்ளார்.
80 வயதான நடிகர் டெல்லி கணேஷ் அவர்கள் சென்னையில் உள்ள அவரது இல்லத்தில் நேற்றிரவு காலமானார்.
தமிழ் திரையுலகில் பல்வேறு கதாபாத்திரங்களில் நடித்துப் புகழ் பெற்றவர் டெல்லி கணேஷ்.
டெல்லி கணேஷின் உடல் பொதுமக்கள் அஞ்சலிக்காக அவரது வீட்டில் வைக்கப்பட்டுள்ளது.
இவரின் மறைவிற்கு திரைத்துறையைச் சேர்ந்த பலரும் சமூக வலைத்தளங்களில் இரங்கல் தெரிவித்து வருகின்றனர்.
தூத்துக்குடியில் பிறந்த இவர் தமிழ், தெலுங்கு, மலையாளம் மற்றும் கன்னடம் ஆகிய மொழிகளிலும் நடித்துள்ளார்.
தமிழில் 400க்கும் மேற்பட்ட படங்களில் டெல்லி கணேஷ் நடித்துள்ளார்.
