இயக்குநர் அட்லீ இயக்கி வரும் ‘ஜவான்’ படத்தில் ஷாருக்கான் நடித்துள்ளார். இதில் நயன்தாரா, விஜய் சேதுபதி இருவரும் முக்கிய கதாபாத்திரங்களில் நடித்து வருகின்றனர்.
மேலும் தீபிகா படுகோன், சஞ்சய் தத் ஆகியோர் கௌரவ தோற்றத்தில் நடித்துள்ளனர்.
ஹிந்தி, தமிழ், தெலுங்கு மொழிகளில் உருவாகும் இப்படம் வரும் September 7ம் திகதி வெளியாகிறது.
இப்படத்தின் ‘Preview’ கடந்த July 10 வெளியானது. Twitterல் இயக்குநர் அட்லீ பகிர்ந்திருந்த Preview வீடியோவை மேற்கோள்காட்டி நடிகர் ஷாருக்கான், “Sir…மாஸ்… எல்லாவற்றிற்கும் நன்றி” என பதிவிட்டிருந்தார்.
இதற்கு Twitterல் பதிலளித்துள்ள இயக்குநர் அட்லீ, “அரசர்களின் கதைகளை கேட்டு நிஜத்தில் அப்படியான ஒருவருடன் பயணம் செய்வது வரை நான் கனவு கண்ட வாழ்க்கையை வாழ்கிறேன் என நினைக்கிறேன்.
இந்தப் படம் என்னுடைய எல்லைக்கு என்னை கொண்டு சென்றது. இந்தப் பயணத்தில் விலைமதிக்க முடியாத அனுபவங்களைப் பெற்றேன்.
சினிமா மீதான உங்கள் ஆர்வத்தையும், கடின உழைப்பையும் கடந்த 3 வருடங்களாக உன்னிப்பாக கவனித்து வந்த எனக்கு அது மிகப் பெரிய உத்வேகம் அளித்தது I Love You Sir .
இந்த சிறப்பான வாய்ப்பை ஏற்படுத்திக் கொடுத்ததற்கு மொத்த படக்குழு சார்பாக நன்றி தெரிவித்துக்கொள்கிறேன்” எனப் பதிவிட்டுள்ளார்.
