(அமிர்தப்பிரியா சிவலிங்கம்)
மஸ்கெலியா – பிரவுன்சிக் தோட்டத்தில் எமலின் பிரிவுக்கு செல்வதற்கு சாமிமலை ஓயா ஊடாக 600 இலட்சம் ரூபா செலவில் பாலமொன்று நிர்மாணிக்கப்பட்டிருந்தாலும் அதன்மூலம் மக்களுக்கு உரிய பயன் கிடைக்கவில்லை என்பது தொடர்பில் தகவல் வெளியாகியுள்ளது.
மஸ்கெலியா – சாமிமலை பிரதான வீதிக்கு வருவதற்கான பிரவுன்சிக், எமலின் தோட்ட வீதி கடுமையாக சேதமடைந்துள்ளது.
இதனை புனரமைப்பதற்கு பல வருடங்களாகியும் இன்னும் உரிய நடவடிக்கை எடுக்கப்படவில்லை என்பது சுட்டிக்காட்டத்தக்கது.
சுமார் 2 கிலோமீற்றர் தூரத்துக்கு முச்சக்கரவண்டியில் செல்வதற்காக இருந்தால்கூட 1000 ரூபா அறிவிப்படுகின்றது என பிரதேசவாசிகள் தெரிவிக்கின்றனர். வீதி புனரமைக்கப்படாததால் மாணவர்கள், அரச அதிகாரிகள் என பலரும் பாதிக்கப்பட்டுள்ளனர்.
இதனை தொடர்ந்து, குறித்த வீதியை உரிய வகையில் புனரமைத்து தரும்படி பொதுமக்கள் கோரிக்கை விடுத்துள்ளனர்.
