ஐக்கிய ஜனநாயகக்குரல் கட்சியின் வெற்றிபேரணி தெமட்டகொட மிஹிந்துசென்புரி தொடர்மாடிகுடியிருப்பு அருகில் இடம்பெற்றது.
ஐக்கிய ஜனநாயகக்குரல் கட்சியின் தலைவர் ரஞ்சன் ராமநாயக்க தலைமையில் இந்த பேரணி இடம்பெற்றது.
இதன்போது பேரணியில் பெருமளவிலான மக்கள் கலந்து கொண்டதுடன் ரஞ்சன் ராமநாயக்கவுக்கு தமது ஆதரவினை வெளிப்படுத்தியுள்ளனர்.
கடந்த காலங்களில் பொதுத்தேர்தல் இடம்பெற்ற சந்தர்;ப்பங்களில் ஆங்காங்கே பேரணிகளும் மக்கள் சந்திப்புக்களும் நிறைந்து காணப்படும் ஆனால் இம்முறை அவற்றை காணக்கிடைக்கவில்லை அக்கட்சியின் தலைவர் ரஞ்சன் ராமநாயக்க தெரிவித்துள்ளார்.
அத்துடன் தமது கட்சி ஆரம்பிக்கப்பட்டு குறுகிய காலமே கடந்துள்ள நிலையில், மக்களின் பெரும்பான்மை ஆதரவு அதிகரித்துள்ளதாகவும் அவர் இதன்போது கூறியுள்ளார்.
இதனைபார்க்கும் போது தேர்தலில் ஐக்கிய ஜனநாயகக்குரல் கட்சியின் வெற்றி உறுதிசெய்யப்பட்டுள்ளதாகவும் அவர் குறிப்பிட்டுள்ளார்.
அத்துடன், ஏனைய கட்சிகளின் பிரசாரக்கூட்டங்களில் மக்கள் அதிகளவில் கலந்து கொள்வதில்லை ஆனால் ஐக்கிய ஜனாநாயகக்குரல் கட்சியின் பிரசாரக்கூட்டங்களின் போது மக்களின் ஆதரவு தொடர்ந்தும் கிடைக்கப்பெற்றுவருதாகவும் அவர் இதன்போது கூறியுள்ளார்.
இதேவேளை, தெமட்டகொட மற்றும் பொரளை பகுதிகளில் இருந்து பெருமளவான ஆதரவாளர்கள் பேரணியில் பங்கேற்றிருந்தனர்.
