தென் ஆப்பிரிக்க T20 தொடரான ‘எஸ்.ஏ20 லீக்’இல் ஜோபர்க் சூப்பர் கிங்ஸ், டர்பன்ஸ் சூப்பர் ஜெயன்ட்ஸ், பிரிட்டோரியா கேப்பிட்டல்ஸ், எம்.ஐ கேப்டவுன், பார்ல் ரோயல்ஸ் மற்றும் சன்ரைசர்ஸ் ஈஸ்டர்ன் கேப் ஆகிய 6 அணிகள் பங்கேற்கின்றன.
இதன் முதலாவது சீசன் கடந்த ஆண்டு முடிவடைந்தது. அதில் சன்ரைசர்ஸ் ஈஸ்டர்ன் கேப் கிண்ணத்தை வென்றது.
இத்தொடரின் 2ஆவது சீசன் வரும் 10ஆம் திகதி தொடங்கி பெப்ரவரி 10ஆம் திகதி வரை நடைபெறவுள்ளது.
இந்நிலையில் கடந்த சீசனில் எம்.ஐ. கேப்டவுன் அணியின் அணித்தலைவராக செயற்பட்டு வந்த ரஷித் கான் காயம் காரணமாக நடப்பு தொடரில் இருந்து விலகியுள்ளார்.
இதன் காரணமாக எம்.ஐ. கேப்டவுன் அணியின் புதிய அணித்தலைவராக கீரன் பொல்லார்ட் நியமனம் செய்யப்பட்டுள்ளார்.
