(அமிர்தப்பிரியா சிவலிங்கம்)
நிலவும் வரட்சியான காலநிலையினால் அநுராதபுரம் – மஹாகந்தராவ ஏரி வறண்டு போனதால் பழமையான வீதி மற்றும் பாலத்தின் சில பகுதிகள் தோன்றியுள்ளதாக பிரதேச மக்கள் தெரிவிக்கின்றனர்.
நடுவில் இருந்து சில மீற்றர் தொலைவில் நிரந்தர வீதியாக அமைக்கப்பட்டதாகவும், வீதியின் முடிவில் பாலத்தின் பகுதிகள் வெளிப்பட்டதாகவும் மக்கள் குறிப்பிடுகின்றனர்.
இது தொடர்பில் ரஜரட்ட பல்கலைக்கழக தொல்பொருள் திணைக்களத்தின் பேராசிரியர் சந்தன ரோஹன வித்தனாச்சியிடம் கேட்டபோது, இந்த வீதியானது பிரித்தானிய யுகத்தின் ஆரம்ப காலத்தில் அமைக்கப்பட்டதாகத் தெரிவித்தார்.
ஏரி புனரமைக்கப்பட்டதால் வீதியில் வெள்ளம் சூழ்ந்துள்ளதாகவும் பேராசிரியர் குறிப்பிட்டார். கி.பி மூன்றாம் நூற்றாண்டில் மகாசேன் மன்னனால் கந்தரா ஓயாவைக் கடந்து மஹாகந்தராவ ஏரி கட்டப்பட்டது என்றார்.
ஆரம்ப காலத்தில், இந்த ஏரி கனவாசி என்று பெயரிடப்பட்டது மற்றும் ஆரம்ப காலத்தில் கட்டப்பட்ட முக்கிய பெரிய அளவிலான ஏரிகளில் ஒன்றாக கருதப்படுகிறது.
தம்புலு ஓயாவின் கிளையான மிரிஸ்கோனியா ஓயாவில் கந்தர ஓயா கட்டப்பட்டதாகக் குறிப்பிட்ட அவர், கலா ஓயா பள்ளத்தாக்கையும் மல்வத்து ஓயா பள்ளத்தாக்கையும் இணைத்து நிர்மாணிக்கப்பட்டதற்கான தொல்பொருள் சான்றுகள் கிடைத்துள்ளதென குறிப்பிட்டுள்ளார்.
அநுராதபுரத்தில் இருந்து சேருவாவில ஊடாக திருகோணமலைக்கு செல்லும் பிரதான வீதி மஹாகந்தர குளத்திற்கு அருகில் இருந்தமைக்கான ஆதாரங்கள் காணப்படுவதாகவும் புராதனமான குடியிருப்புகள் இருந்ததாகவும் பேராசிரியர் மேலும் தெரிவித்தார்.
