பங்களாதேஷத்தில் கடந்த சில நாட்களாகப் பெய்து வரும் கனமழை காரணமாகத் தென்கிழக்கு காக்ஸ் பஜார் மாவட்டத்தில் நிலச்சரிவில் சிக்கி 6 பேர் உயிரிழந்துள்ளனர்.
டாக்காவிலிருந்து தென்கிழக்கே 392 கிலோ மீட்டர் தொலைவில் உள்ள காக்ஸ் பஜார் மாவட்டத்தில் உள்ள ஏதிலிகள் முகாமில் இந்நிலச்சரிவு ஏற்பட்டுள்ளதாக சர்வதேச ஊடகங்கள் தெரிவிக்கின்றன.
இதில் குறைந்தது ஒரு ரோஹிங்கியா குடும்பத்தைச் சேர்ந்த 3 பேர் உள்பட 6 பேர் உயிரிழந்ததாகத் தெரிவிக்கப்பட்டுள்ளது.
மேலும் இந்நிலச்சரிவினால் முகாமில் குறைந்தது 3 குடிசைகள் அழிந்துள்ளது.
இதனைத் தொடர்ந்து, ஆபத்தான சரிவுகளில் வசிப்பவர்களை வெளியேற்றும் பணியில் அதிகாரிகள் ஈடுபட்டுள்ளதாகவும் தெரிவிக்கப்படுகின்றது.
