சுங்கக் கிடங்குகளில் ஒன்று சேர்க்கப்பட்டு, சுங்கத்துறை அமைச்சரின் சிபாரிசுக்கமைவாக உள்ளூர்ச் சந்தைக்கு விடப்பட்ட 326 வாகனங்களுக்கு வரிச்சலுகை வழங்கியதன் மூலம் அரசாங்கத்துக்கு 10,38,03,200 ரூபா வருமானம் இழப்பு ஏற்பட்டுள்ளதாக தேசிய கணக்காய்வு அலுவலகம் தெரிவித்துள்ளது.
சுங்கக் கிடங்கின் வாகன உதிரிப்பாகங்களை அசெம்பிள் செய்து தயாரிக்கப்படும் இந்த வாகனங்கள், கிடங்கிலிருந்து விடுவிக்கப்படும்போது, அவற்றை இறக்குமதி செய்யப்பட்ட பொருட்களாகக் கருதி, வரி கணக்கீடு செலுத்தப்பட வேண்டும்.
உள்நாட்டில் 30 சதவீதத்துக்கும் குறைவான மதிப்பையும், உள்ளூரில் தயாரிக்கப்பட்ட உதிரிப்பாகங்களைப் பயன்படுத்தி, சந்தைக்கு விடப்பட்ட 326 வாகனங்களை இரண்டு நிறுவனங்களுக்கு வழங்கியதன் மூலம் அரசுக்கு இந்த வருவாய் இழப்பு ஏற்பட்டுள்ளதாக கணக்கு தணிக்கை அலுவலகம் சுட்டிக்காட்டியுள்ளது.
இந்த வாகனங்களுக்கு 35,04,32,000 ரூபா வரித் தொகை அறவிடப்பட வேண்டும் எனவும், ஆனால் சுங்க விதிகள் மற்றும் விதிமுறைகள் எதுவாக இருந்தாலும் அமைச்சரின் பரிந்துரைகளை மாத்திரம் கருத்திற்கொண்டு வரித் தொகை 24,66,28,800 ரூபாவாக குறைக்கப்பட்டுள்ளதாக கணக்காய்வு அலுவலகம் குறிப்பிடுகிறது.
