(அமிர்தப்பிரியா சிவலிங்கம்)
சீரற்ற காலநிலை காரணமாக தேவை ஏற்படின் பாடசாலைகளுக்கு விடுமுறை வழங்குவதற்கான அதிகாரம் அந்தந்த பாடசாலை அதிபர்களுக்கு வழங்கப்பட்டுள்ளதாக கல்வி இராஜாங்க அமைச்சர் ஏ.அரவிந்தகுமார் தெரிவித்துள்ளார்.
நாட்டின் குறிப்பிட்ட சிலபகுதிகளில் சீரற்ற வானிலை காரணமாக பாடசாலைகளை நடத்த முடியாத நிலைமை இருந்தால், அந்தந்த பாடசாலைகளின் அதிபர்கள் கல்வி நடவடிக்கைகளை முன்னெடுப்பதா? இல்லையா? என்பது பற்றி தீர்மானிக்க முடியும் அமைச்சர் குறிப்பிட்டுள்ளார்.
இதுதொடர்பாக கோட்ட கல்வி மற்றும் வலயக் கல்வி பணிப்பாளர்களுடன் ஆலோசனை செய்துவிட்டு தீர்மானம் எடுக்கலாம் என்றும் தெரிவித்த அமைச்சர், சீரற்ற வானிலை காரணமாக ஹட்டன் கல்வி வலயத்திற்கு உட்பட்ட பாடசாலைகள் மூடப்பட்டுள்ளமையை சுட்டிக்காட்டியதுடன், நுவரெலியா கல்வி வலயத்திலும் சில பாடசாலைகளுக்கு இந்நிலை ஏற்பட்டிருப்பதாக தெரிவித்துள்ளார்.
