பேஸ்புக் செயலியில் காணொளி சார்ந்த அம்சங்களில் சில மாற்றம்!

_{(அமிர்தப்பிரியா சிவலிங்கம்)}

பேஸ்புக் செயலியில் காணொளி சார்ந்த அம்சங்களில் சில மாற்றம் செய்துள்ளதாக அதன் தாயக நிறுவனமான மெட்டா அறிவித்துள்ளது.

இதன்மூலம் மேம்படுத்தப்பட்ட ஒலி அமைவு (Audio) அம்சங்களுடன், பயனர்கள் தங்கள் காணொளிகளில் சரியான ஒலியை தடையின்றி இணைக்கலாம்.

இசை மற்றும் Audio clip களை தேடி சேர்க்கும் திறன், குரல்வழிகளைப் பதிவுசெய்தல் மற்றும் தேவையற்ற பின்னணி இரைச்சலைக் குறைத்தல் ஆகிய அம்சங்களும் உள்ளடக்கப்பட்டுள்ளன.

இது மட்டுமன்றி பயனர்கள் தங்களி திறன்பேசிகளிலிருந்து HDR காணொளிகளை நேரடியாக பதிவேற்றலாம் என தெரிவிக்கப்பட்டுள்ளது.

இதுமட்டுமன்றி பேஸ்புக் தளத்தில் தற்போது பேஸ்புக் வாட்ச் (Facebook watch) என அழைக்கப்படும் தொகுதி புதிய பெயர் அதாவது பேஸ்புக் வீடியோ (Facebook Video) என மாற்றப்பவதாக தெரிவிக்கப்பட்டுள்ளது.

மேலும் இதற்கான shortcut ஆனது விரைவில் அறிமுகம் செய்யப்படும் என தெரிவிக்கப்பட்டுள்ளது.