டைம்ஸ் நாளிதழ் ஆண்டு முழுவதும் பெரும் தாக்கத்தை ஏற்படுத்திய நபர்களில் ஒருவரைத் தேர்வு செய்து இந்தாண்டுக்கான சிறந்த நபர் என்கிற பெயரை அறிவிக்கும்.
2023ஆம் ஆண்டுக்கான சிறந்த நபராக அமெரிக்க பொப் இசைக் கலைஞர் டெய்லர் ஸ்விஃப்ட் தேர்வு செய்யப்பட்டுள்ளார்.
2023இல் பல சமயங்களில் நாளிதழ்களில் தலைப்பு செய்தியில் வரும் பெயராக டெய்லர் ஸ்விஃப்ட் இருந்துள்ளார். ஒக்டோபரில் வெளியான அவரது இசை நிகழ்ச்சிகள் திரைப்படம் ‘எராஸ் டூர்’ உலகம் முழுவதும் பெரும் வரவேற்பைப் பெற்றது.
டைம்ஸ் நாளிதழ், கடந்த ஆண்டு யுக்ரைன் ஜனாதிபதி வொலோதிமீர் ஸெலென்ஸ்கியை அந்தாண்டுக்கான நபராகத் தேர்வு செய்தது. 2021இல் எலான் மஸ்க் தேர்வு செய்யப்பட்டார்.
