கண்டி- பல்லேகல மைதானத்தில் நடைபெற்ற இப்போட்டியில், லைக்காவின் ஜப்னா கிங்ஸ் அணியின் பி-லவ் கண்டி அணியும் பலப்பரீட்சை நடத்தின.
இப்போட்டியில் நாணய சுழற்சியில் வெற்றிபெற்ற பி-லவ் கண்டி அணி முதலில் களத்தடுப்பை தீர்மானித்தது.
இதன்படி முதலில் துடுப்பெடுத்தாடிய லைக்காவின் ஜப்னா கிங்ஸ் அணி, நிர்ணயிக்கப்பட்ட 20 ஓவர்கள் நிறைவில் 9 விக்கெட்டுகள் இழப்புக்கு 117 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக தனித் வெல்லாலகே ஆட்டமிழக்காது 38 ஓட்டங்களையும் பிரியமல் பெரேரா 22 ஓட்டங்களையும் பெற்றுக்கொண்டனர்.
பி-லவ் கண்டி அணியின் பந்துவீச்சில், வனிந்து ஹசரங்க மற்றும் நுவான் பிரதீப் ஆகியோர் தலா 3 விக்கெட்டுகளையும் அஞ்சலோ மத்தியூஸ் 2 விக்கெட்டுகளையுமு; விழ்த்தினர்.
இதனைத்தொடர்ந்து 117 ஓட்டங்கள் என்ற வெற்றி இலக்கை நோக்கி பதிலுக்கு களமிறங்கிய பி-லவ் கண்டி அணி 13 ஓவர்கள் நிறைவில் 2 விக்கெட்டுகள் இழப்புக்கு வெற்றி இலக்கை கடந்தது. இதனால் பி-லவ் கண்டி அணி 8 விக்கெட்டுகள் வித்தியாசத்தில் வெற்றிபெற்றது.
இதன்போது அணியின் அதிகப்பட்ச ஓட்டங்களாக வனிந்து ஹசரங்க 52 ஓட்டங்களையும் பகர் சமான் 42 ஓட்டங்களையும் பெற்றுக்கொண்டனர்.
லைக்காவின் ஜப்னா கிங்ஸ் அணியின் பந்துவீச்சில் பர்கர் மற்றும் மஹேஷ் தீகஸன ஆகியோர் தலா 1 விக்கெட்டினையும் வீழ்த்தினர்.
இப்போட்டியின் ஆட்டநாயகனாக பந்துவீச்சு மற்றும் துடுப்பாட்டத்தில் அசத்திய வனிந்து ஹசரங்க தெரிவுசெய்யப்பட்டார்.
