(அமிர்தப்பிரியா சிவலிங்கம்)
கொழும்பின் பல பகுதிகளில் நீர்வெட்டு அமுல்படுத்தப்படவுள்ளதாக தேசிய நீர்வழங்கல் வடிகாலமைப்புச் சபை அறிவித்துள்ளது.
கொழும்பில் அமுல்படுத்தப்படவுள்ள 16 மணிநேர நீர்வெட்டு நாளை (24) நடைமுறைப்படுத்தப்படவுள்ளது.
அம்பத்தலை நீர் விநியோகத்தை மேம்படுத்தும் நோக்கில் மின்வலு சக்தியை அதிகரிக்கும் அவசர திருத்த வேலைகள் காரணமாக குறித்த நீர்வெட்டு அமுல்படுத்தப்படவுள்ளதாக தேசிய நீர்வழங்கல் மற்றும் வடிகாலமைப்புச் சபை தெரிவித்துள்ளது.
அதன்படி, நாளை காலை 8 மணி முதல் நள்ளிரவு 12 மணி வரை கொழும்பு 11, 12, 13, 14, 15 ஆகிய பகுதிகளில் 16 மணித்தியாலயங்கள் நீர் விநியோகம் தடைப்படும் எனத் தெரிவிக்கப்பட்டுள்ளது.
