பண்டிகைக் காலத்தையொட்டி கொழும்பு – கோட்டை முதல் பதுளை வரை விசேட புகையிரத சேவையை முன்னெடுக்க புகையிரத திணைக்களம் தீர்மானித்துள்ளது.
இன்று முதல் எதிர்வரும் 29 ஆம் திகதி ஞாயிற்றுக்கிழமை வரை இந்த புகையிரத சேவை முன்னெடுக்கப்படும் என அந்த திணைக்களம் குறிப்பிட்டுள்ளது.
இதன்படி, பதுளைக்கான விசேட புகையிரத சேவை கொழும்பு கோட்டையிலிருந்து இன்று இரவு 7.30 மற்றும் நாளை காலை 7.45இற்கு பயணத்தை ஆரம்பிக்கவுள்ளது.
அதேநேரம், கொழும்பு – கோட்டைக்கான புகையிரத சேவை பதுளையிலிருந்து நாளை காலை 7.05இற்கு பயணத்தை ஆரம்பிக்கவுள்ளதாக புகையிரத திணைக்களம் தெரிவித்துள்ளது.
