(அமிர்தப்பிரியா சிவலிங்கம்)
சீன விமான நிறுவனமான எயார் சைனா இந்த வருடம் ஜூலை மாதம் முதல் இலங்கைக்கு விமானங்களை இயக்கும் என சுற்றுலாத்துறை அமைச்சர் ஹரின் பெர்னாண்டோ அறிவித்துள்ளார்.
எயார் சைனா விமான சேவையானது ஜூலை மாதம் தொடக்கம் இலங்கைக்கு வாரத்திற்கு 3 தடவைகள் சேவையில் ஈடுபடும் என அமைச்சர் தெரிவித்துள்ளார்.
விமான சேவைகள் ஆரம்பிக்கப்பட்டதிலிருந்து எதிர்வரும் மாதங்களில் விமானங்களின் எண்ணிக்கை அதிகரிக்கப்படும் என அவர் மேலும் குறிப்பிட்டுள்ளார்.
