முல்லைத்தீவு – மாங்குளம் பகுதியில் இன்றைய தினம் (07-09-2023) இனம்காணப்படாத வெடிப்பு சம்பவம் ஒன்று பதிவாகியுள்ளது.
குறித்த சம்பவத்தில் இருவர் படுகாயமடைந்த நிலையில் மாங்குளம் வைத்திய சாலையிலிருந்து மேலதிக சிகிச்சைக்காக கிளிநொச்சி மாவட்ட வைத்தியசாலைக்கு மாற்றப்பட்டுள்ளனர்.
இந்த வெடிப்பு சம்பவம் மாங்குளம் நீதிபுரம் பகுதியை சேர்ந்த இருவரும் விறகு எடுப்பதற்காக சென்ற போதே இடம்பெற்றுள்ளது.
இச் சம்பவத்தில் 84 வயதான ஒருவர் படுகாயமடைந்த நிலையில் கிளிநொச்சி மாவட்ட பொது வைத்தியசாலையில் சிகிச்சைக்காக அனுமதிக்கப்பட்டுள்ளார்.
இதேவேளை சம்பவத்தில் படுகாயமடைந்த 6 வயதான சிறுவன் மேலதிக சிகிச்சைகளுக்காக யாழ் போதனா வைத்தியசாலையின் அவசர சிகிச்சை பிரிவுக்கு மாற்றப்பட்டுள்ளார்.
இது தொடர்பான மேலதிக விசாரணைகளை மாங்குளம் பொலிஸார் மேற்கொண்டு வருகின்றனர்.
