(அமிர்தப்பிரியா சிவலிங்கம்)
பதுரலிய – லட்பந்துர பகுதியில் நேற்று (20) நள்ளிரவு இடம்பெற்ற துப்பாக்கிச்சூட்டு சம்பவத்தில் ஒருவர் படுகாயமடைந்துள்ளார்.
பதுரலிய – மிடலான பகுதியைச் சேர்ந்த நபர் ஒருவரே படுகாயமடைந்த நிலையில் பதுரலிய பிராந்திய வைத்தியசாலையில் அனுமதிக்கப்பட்டுள்ளார்.
அவரது நிலைமை கவலைக்கிடமாக இருப்பதாகவும், அவர் களுத்துறை போதனா வைத்தியசாலைக்கு மாற்றப்பட்டுள்ளதாகவும் வைத்தியசாலை பேச்சாளர் தெரிவித்துள்ளார்.
துப்பாக்கிச் சூட்டுக்கு 12 போர் ரக துப்பாக்கி பயன்படுத்தப்பட்டுள்ளதுடன், அந்த துப்பாக்கியுடன் பதுரலிய லத்பந்துர பகுதியைச் சேர்ந்த ‘ரோசா பட்டா’ என்ற புனைப்பெயர் கொண்ட நபரை பொலிஸார் கைது செய்துள்ளனர்.
சந்தேக நபர் மத்துகம நீதவான் நீதிமன்றில் முன்னிலைப்படுத்த நடவடிக்கை எடுக்கப்பட்டுள்ளதாக விசாரணைகளை மேற்கொண்டு வரும் பதுரலிய பொலிஸார் தெரிவித்துள்ளனர்.
