பிரான்ஸ் நாட்டை சேர்ந்தவர் ரெமி லூசிடி, எனும் 30 வயதான ஒருவர் தீவிர சாகச விளையாட்டுகளில் ஈடுபாடு கொண்டவராக காணப்பட்டுள்ளார்.
இவர் உயரமான கட்டிடங்களில் சுவர் வழியாக ஏறி சாகசம் செய்வதை வாடிக்கையாக கொண்டவர் என்பதோடு அதனை புகைப்படங்கள் எடுத்து சமூகவலைதளங்களில் வெளியிடுவதையும் வழக்கமாகக் கொண்டுள்ளார்.
இவருக்கு இன்ஸ்டாகிராமில் லட்சக்கணக்கான ரசிகர்கள் உள்ளனர். கடந்த வாரம், இவர் ஹாங்காங்கிற்கு டிரெகன்டர் டவர் எனும் மிக உயரமான கட்டிடத்தில் ஏறி படம் எடுக்க சென்றுள்ளார்.
இதற்காக லிப்டில் ஏறி 68வது மாடிக்கு சென்று அங்கு சில ஆபத்தான இடங்களில் புகைப்படம் எடுத்துள்ளார்.
அப்போது அவர் நிலை தடுமாறி கீழே விழுந்துள்ளதையடுத்துஅங்குள்ள பணிப்பெண் பார்த்து பொலிஸாருக்கு தகவல் தெரிவித்துள்ளார்.
சம்பவ இடத்திற்கு விரைந்து வந்த போலிசார் அவரை மீட்டு மருத்துவமனைக்கு அனுப்பி வைத்தனர்.
பரிசோதித்த மருத்துவர்கள் அவர் ஏற்கனவே இறந்துவிட்டதாக தெரிவித்துள்ளதாக சர்வதேச ஊடகங்கள் செய்தி வெளியிட்டுள்ளமைக் குறிப்பிடத்தக்கது.
