அரச சுப காரியக் குழுவினால் தயாரிக்கப்பட்ட புத்தாண்டு சுபச் சீட்டை ஏற்றுக்கொள்ள வேண்டும் என புத்தசாசன, சமய மற்றும் கலாசார அலுவல்கள் அமைச்சின் செயலாளர் சோமரத்ன விதானபத்திரன தெரிவித்துள்ளார்.
குறித்த அதிர்ஷ்டக் கைங்கர்யங்களின் நடைமுறைத் தன்மை மற்றும் ஏனைய விடயங்கள் தொடர்பில் பல்வேறு கருத்துக்கள் நிலவி வருகின்ற போதிலும், தற்போதைக்கு அதிர்ஷ்டத்தை மாற்ற முடியாது எனவும் செயலாளர் குறிப்பிட்டுள்ளார்.
இதேவேளை, சிங்கள, தமிழ் புத்தாண்டுக்குப் பின்னர் தற்போதுள்ள அரச சுப காரியக் குழு கலைக்கப்பட்டு சட்டரீதியாக புதிய அரச அனுசரணை குழுவொன்று அமைக்கப்படும் என புத்தசாசன அமைச்சின் செயலாளர் சோமரத்ன விதானபத்திரன நேற்று இடம்பெற்ற கலந்துரையாடலில் தெரிவித்துள்ளார்.
