கடந்த 2013-ம் ஆண்டு இயக்குநர் ஆனந்த் L.ராய் இயக்கத்தில் தனுஷ் நடிப்பில் வெளியான படம் ‘ராஞ்சனா’.
A.R ரஹ்மான் இசையமைத்திருந்த இப்படத்தில் சோனம் கபூர் நாயகியாக நடித்திருந்தார்.
படம் ரசிகர்களிடையே நல்ல வரவேற்பை பெற்றது. இதையடுத்து ஆனந்த் L .ராய் – தனுஷ் காம்போவில் 2021-ம் ஆண்டு வெளியானது ‘அட்ராங்கி ரே’. இந்த இரண்டு படங்களுக்குப் பிறகு மூன்றாவது முறையாக இயக்குநர் ஆனந்த் L .ராயுடன் கைகோக்கிறார் தனுஷ்.
‘Tere Ishk Mein’ என தலைப்பிடப்பட்டுள்ள இப்படத்துக்கு A.R ரஹ்மான் இசையமைக்கிறார்.
இந்நிலையில் இப்படத்தின் அறிவிப்பு வீடியோ ஒன்றையும் படக்குழு வெளியிட்டுள்ளது. அதில் நடிகர் தனுஷ் கையில் பெட்ரோல் குண்டுடன் ஓடி வர பின்னணியில் அவரது குரல் ஒலிக்கிறது. “இந்த முறை ஷங்கரை எப்படி தடுத்து நிறுத்துவீர்கள்?” என்ற கேள்வியுடன் வீடியோ முடிவடைகிறது. இதன் மூலம் இப்படம் ‘ராஞ்சனா’ படத்தின் சீக்வலாக உருவாக உள்ளதைப் புரிந்துகொள்ள முடிகிறது.
