இயக்குநர் திருச்செல்வம் இயக்கத்தில் ஒளிபரப்பாகும் எதிர்நீச்சல் தொடர் சின்னத்திரை ரசிகர்கள் மத்தியில் பெரும் வரவேற்பை பெற்றுள்ளது.
இதில் ஆதி குணசேகரன் கதாபாத்திரத்தில் நடித்து வந்த இயக்குனரும் நடிகருமான மாரிமுத்து அண்மையில் காலமானார்.
இதையடுத்து அவருக்கு புகழஞ்சலி நிகழ்ச்சி நடைபெற்றது. அதில் கலந்து கொண்ட இயக்குநர் திருச்செல்வம் பேசுகையில், “மாரிமுத்து பாராட்டுகளை அதிகம் விரும்பக் கூடியவர்.
ஆதி குணசேகரான மாரிமுத்து நடித்த அந்த கதாபாத்திரத்தில் வேறு யாரையும் வைத்து பார்க்க முடியாது என்பது தான் ரசிகர்களின் ஏக்கமாக இருக்கிறது.
எங்களுக்கே அவருக்கு பதிலாக வேறு ஒருவரை நடிக்க வைத்து அடுத்த காட்சிகளை நகர்த்த மனம் வரவில்லை.
தற்போது அவரை காணவில்லை அவரை நாங்கள் தேடி கொண்டு இருப்பது போல காட்சிகள் நகர்ந்து வருகிறது” என கூறினார்
இயக்குநர் திருச்செல்வம் இவ்வாறு கூறியுள்ளதால் இனி ஆதி குணசேரன் கதாபாத்திரத்தில் வேறு நடிகரை நடிக்க வைக்க வாய்ப்பு இல்லையா என்ற கேள்வி எழுந்திருக்கிறது.
