ஜெனின் அகதிகள் முகாமுக்கு அருகில் ஆக்கிரமிக்கப்பட்ட மேற்குக் கரையில் உள்ள இப்னு சினா மருத்துவமனை வளாகத்தின் மீது இஸ்ரேலிய இராணுவம் தனது சோதனையை முடித்துள்ளது. குறைந்தது 14 பேர் காயமடைந்ததுடன் 5 பேர் கொல்லப்பட்டதாக தகவல் வெளியாகியுள்ளது.
காஸா முழுவதும் இஸ்ரேலிய தாக்குதல்கள் தொடர்கின்றன, ஜெனரேட்டர்களுக்கு எரிபொருள் இல்லாததால் தகவல் தொடர்பு துண்டிக்கப்பட்டுள்ளது.
அல்-ஷிஃபா மருத்துவமனையில் இஸ்ரேலிய தாக்குதல்கள் மூன்றாவது இரவும் தொடரும் நிலையில், ஆயிரக்கணக்கான பெண்கள்,குழந்தைகள்,நோயாளிகள் மற்றும் காயமடைந்தவர்கள் உயிராபத்தில் உள்ளதாக காஸா சுகாதார அமைச்சின் செய்தித் தொடர்பாளர் அஷ்ரஃப் அல்-குத்ரா தெரிவித்துள்ளார்.
அக்டோபர் 7 முதல் காசா மீதான இஸ்ரேலிய தாக்குதல்களில் குறைந்தது 11,470 பேர் கொல்லப்பட்டுள்ளனர், ஆனால் தரவுகளை சேகரித்த என்க்ளேவ் சுகாதார அமைப்பின் சரிவு காரணமாக பல நாட்களாக இறப்பு எண்ணிக்கை புதுப்பிக்கப்படவில்லை. இஸ்ரேலில், ஹமாஸின் தாக்குதல்களால் உத்தியோகபூர்வ இறப்பு எண்ணிக்கை சுமார் 1,200 ஆகவுள்ளது.
