தெற்குக் கலிபோர்னியாவில் ஏற்பட்டுள்ள கடுமையான காட்டுத் தீயானது லொஸ் ஏஞ்சலீஸ் மலைப்பகுதிகளில் வேகமாகப் பரவி வருகிறது.
தீயின் வேகம் அதிகமாகவும், பல கிலோமீற்றருக்கு அப்பால் இருப்பதாலும் வீதிகளனைத்தும் மூடப்பட்டுள்ளன. இதனால், மக்கள் தங்களது கார்களை ஆங்காங்கே நிறுத்தி விட்டு வேறு இடங்களுக்குக் குடிபெயர்ந்து வருகின்றனர்.
10,000த்துக்கும் மேற்பட்ட வீடுகளில் வசித்துவந்த 26,000 க்கும் மேற்பட்டோர் தீயினால் பாதிக்கப்பட்டுள்ளதாகவும், சுமார் 30,000 பேர் வெளியேற்றப்பட்டுள்ளதாகவும் லொஸ் ஏஞ்சலீஸ் தீயணைப்புத் துறையின் தலைவர் கிறிஸ்டின் குரோலி தெரிவித்துள்ளார். காட்டுத் தீயை அணைக்கத் தீயணைப்பு வீரர்கள் கடுமையாகப் போராடி வருகின்றனர்
மிக மோசமான காற்று வீசக்கூடும் என்றும் அதிகாரிகள் எச்சரித்துள்ளனர். பல மாதங்களாக மழை பெய்யாத பகுதிகள் மற்றும் மலையடிவாரங்களில் மணிக்கு 160 கி.மீ. வேகத்தில் காற்று வீசும் என்றும் வானிலை ஆராய்ச்சியாளர்கள் தெரிவித்துள்ளனர்.
தெற்குக் கலிபோர்னியாவில் கடந்தாண்டு மே மாதத் தொடக்கத்தில் இருந்து 0.25 சென்றி மீற்றர் கூட மழை பெய்யவில்லை. இதனால், அமெரிக்காவின் சில பகுதிகள் கடுமையான வறட்சியால் பாதிக்கப்பட்டுள்ளதாக வானிலை ஆராய்ச்சியாளர்கள் தெரிவித்துள்ளனர்.
